|
AFP |
ARMY |
NAVY |
PAF PUBLICATIONS |
|
|
opinyon ni Major |
|
|
Public Information Office, Headquarters Philippine Air Force Colonel Jesus Villamor Air Base, Pasay City Telefax (632) 853-5023 local: 6629/6529 Email: pio@paf.mil.ph & paf_pio@yahoo.com
DATE: 20 October, 2009 MAJ GERARDO M ZAMUDIO JR Director, PIO |
|
|
|
COLUMN RE PAF CONTINGENCY PLAN
PAGHAHANDA NG PAF SA BAGYONG RAMIL
Sa mga nakalipas na buwan ay sunod-sunod na bagyo ang dumating sa bansa. Nito lamang buwan ng Oktubre ay dalawang bagyo na, ang Ondoy at Pepeng, ang agad na pumasok sa area of responsibility ng Pilipinas na nag-iwan ng malaking pinsala sa buhay at mga ari-arian.
Di pa nakakabangon ang ating mga kababayan, eto na naman ang bagyong Ramil na maaring lalo pang lumakas at maging isang super typhoon na muling tatama sa mga bayan sa Pangasinan, La Union, Ilocos provinces, Batanes, Cagayan at Baguio City.
Hindi ito ipinagkikibit balikat ng ating mga otoridad kaya agad na ipinag-utos ni Defense Secretary at National Disaster and Coordinating Council chairman Gilbert Teodoro Jr ang “prepositioning” ng mga government assets at disaster response and relief teams.
Sa mga ganitong panahon, ang PAF ay lagi namang nakahanda upang tumugon sa anumang emergency situations para sa kinakailangang disaster relief operations na patunay lamang ng pagiging operationally responsive nito.
Maagap na nagsasagawa ng monitoring ang PAF sa mga lugar na dadaanan ng bagyong Ramil at ang pagtaya sa anumang pangangailangan ng ating mga kababayan ng emergency supplies, government assets, manpower at relief goods. Nakaalerto na ang mga PAF units at mga eroplano nito sa Luzon para sa posibleng pagsasagawa ng search and rescue at relief operations.
Dito makikita natin ang mahalagang papel ng PAF dahil meron silang expertise sa search and rescue missions at malaking tulong ang kanilang mga eroplano sa pagbibigay ng responde sa mga isolated at impassable areas at ang pagbibiyahe ng relief at medical supplies.
|
|
|
|
|
|
| ....... |
